21 වන සියවසේ ලෝකය වේගවත් පරිමාණයකින් වෙනස් වෙමින් පවතී. වෙනස්වන ලෝක අනුපිළිවෙලට මුහුණ දීම සහ අනාගතය සඳහා තම සිසුන් සූදානම් කිරීම අධ්‍යාපනඥයින්ට අභියෝගයකි. මාග්‍රට් මීඩ් නිවැරදිව පවසා ඇත්තේ "දරුවන්ට ඉගැන්විය යුත්තේ සිතිය යුතු ආකාරය මිස සිතිය යුතු දේ නොවේ" යන්නයි.රාජසිංහ විද්‍යාලය  1870 ආරම්භයේ සිටම වෙනස්වීම් වලට ඔරොත්තු දී ඇති අතර සෑම විටම තම සිසුන් සඳහා ජීවිතයේ නිසි වටිනාකම් සමඟ නිර්මාණශීලීත්වය, විවේචනාත්මක චින්තනය, නවෝත්පාදන, අපසාරී චින්තනය ඇති කිරීමට උත්සාහ කරයි. මෙම සියලු කුසලතා දරුවන් අතරට ගෙන ඒම සඳහා පාසල වසර පුරා ක්‍රියාකාරකම් මාලාවක් පවත්වයි.

අප පාසල තොරතුරු තාක්ෂණ අංශයෙන් ද පසුගිය වසර පුරා විශාල දියුණුවක් අත්කරගෙන ඇත. අප විද්‍යාලය සමග සම්බන්ධ විවිධ පාර්ශව සමග අදහස් හුවමාරුවේදී හා තොරතුරු හුවමාරුවේදී මෙම වෙබ් අඩවිය ඵලදායී ලෙස යොදා ගැනීමට හැකි වනු ඇතැයි මා විශ්වාස කරමි. අප විද්‍යාලය සමග සම්බන්ධ සියළු පාර්ශවයන්ට අප පාසල් බෙව් අඩවිය සමග සම්බන්ධ වී පාසලේ උන්නතියට සහයෝගය දක්වන මෙන් ආරාධනය කර සිටිමි. මෙම කර්තව්‍ය සාර්ථක කර ගැනීම සඳහා උරදුන් සැමට මාගේ හෘදයාංගම ස්තූතිය පිරිනමන අතර දරු දැරියන්ගේ යහගුණ මෙන්ම අධ්‍යාපන කටයුතු දිනෙන් දින වර්ධනය වේවා යි ප්‍රාර්ථනා කරමි.